გორში ჩხუბის დროს დაშავებული 18 წლის ერეკლე თედლიაშვილი დღეს გარდაიცვალა, მკურნალი ექიმის თქმით, პაციენტი რეანიმაციულ განყოფილებაში 3 თვის განმავლობაში მკურნალობდა.

"პაციენტის შემოსვლისას მისი მდგომარეობა იყო კრიტიკული. პაციენტი იმყოფებოდა მართვით სუნთქვაზე. ამ დრომდე მკურნალობდა რეანიმაციულ განყოფილებაში. გამთენიისას, დაფიქსირდა ბიოლოგიური სიკვდილი", — განაცხადა ექიმი მამუკა მუმლაძე.

გორში მომხდარი დაპირისპირების ფაქტზე, ჯანმრთელობის განზრახ მძიმე დაზიანების ბრალდებით, 9 ივნისს მსოფლიო ჩემპიონის გიორგი კანდელაკის შვილი დააკავეს.