პარლამენტის პრესსამსახურის განცხადებით, საკანონმდებლო ორგანო განაგრძნობს ფუნქციონირებას ჯანმრთელობის მსოფლიო ორგანიზაციის და დაავადებათა კონტროლის ეროვნული ცენტრის რეკომენდაციების შესაბამისად. მათივე თქმით, კორონავირუსით ინფიცირებული დეპუტატის, ლევან გოგიჩაიშვილის სამუშაო სივრცეს დეზინფექცია ჩაუტარდა.

პარლამენტში აღნიშნავენ იმასაც, რომ ყველა პირი, რომელსაც დეპუტატთან 5 სექტემბრის შემდეგ ჰქონდა კონტაქტი, გადავა თვითიზოლაციაში და ჩაუტარდება ტესტირება.

"გარდა ამისა, პარლამენტის შენობაში გაგრძელდება რეგულარული დეზინფექცია. შენობაში შესვლისას ყველა პირი გადის თერმოკონტროლს. დაწესებულია მონიტორინგი პირბადის გამოყენებაზე. საკანონმდებლო ორგანო განაგრძობს ფუნქციონირებას ჯანმრთელობის მსოფლიო ორგანიზაციის და დაავადებათა კონტროლის ეროვნული ცენტრის რეკომენდაციების შესაბამისად", — აცხადებენ პარლამენტში.

პარლამენტის დამოუკიდებელი დეპუტატის, ლევან გოგიჩაიშვილის განცხადებით, ის ეპიდემიოლოგებს კონტაქტებს აწვდის და მათ შორის პარლამენტის წევრები და თანამშრომლები არ არიან. გოგიჩაიშვილის თქმით, იმ ხალხის სიას ადგენს, ვისთანაც ბოლო ორი დღის განმავლობაში ჰქონდა შეხება, პარლამენტში კი ბოლოს 5 დღის წინ იმყოფებოდა.

გოგიჩაიშვილის პარტიაში აცხადებენ, რომ უახლოეს დღეებში ჩაუტარდებათ ტესტირება. რაც შეეხება წინასაარჩევნო კამპანიას, მათი თქმით, პარტია პაუზას იღებს.

გაიგეთ მეტი: