პრემიერმინისტრი გიორგი კვირიკაშვილი გერმანიაში, ბერლინის ცენტრში მომხდარი თავდასხმის შემდეგ სამძიმრის წერილს აქვეყნებს:

"ბერლინში დატრიალებულ ტრაგედიას ემსხვერპლნენ მშვიდობიანი მოქალაქეები, რომლებიც შობის დღესასწაულისთვის ემზადებოდნენ. შეძრწუნებული ვარ მომხდარით და დიდ თანაგრძნობას ვუცხადებ დაღუპულთა ოჯახებს. ცივილიზებულ მსოფლიოს მუქარის არ ეშინია. ჩვენ არ გვეშინია სისასტიკის. მჯერა, რომ ერთობლივი ძალისხმევით ჩვენ მივაღწევთ მშვიდობას და ადამიანები შიშის გარეშე იცხოვრებენ მსოფლიოს სხვადასხვა კუთხეში".

19 დეკემბრის საღამოს, ბერლინიც ცენტრში საშობაო ბაზრობაზე სატვირთო მანქანის შევარდნის შედეგად 12 ადამიანი დაიღუპა და 48 დაშავდა. თავდასხმაში ბრალდებული დაკავებულია და BBC-ის ცნობით იგი პოლიციამ დაკითხვაზე გადაიყვანა.