პოლიციამ 4 ივნისს ბოლნისში მომხდარი განზრახ მკვლელობის საქმეზე ბრალდებული პირი დააკავა. ინფორმაციას შინაგან საქმეთა სამინისტრო ავრცელებს.

უწყების ცნობით, მკვლელობა წარსულში არსებული დაპირისპირების გამო მოხდა. დაკავებულმა თავისი ნაცნობი ცეცხლსასროლი იარაღით სასიკვდილოდ დაჭრა და შემთხვევის ადგილიდან მიიმალა.

პოლიციამ, ბრალდებულის პირადი ჩხრეკის შედეგად, ცეცხლსასროლი პისტოლეტი და 6 საბრძოლო ვაზნა ამოიღო.

გამოძიება განზრახ მკვლელობის საქმეზე საქართველოს სისხლის სამართლის კოდექსის 108-ე მუხლით მიმდინარეობს, რაც განზრახ მკვლელობას ითვალისწინებს და ისჯება 7-დან 15 წლამდე ვადით თავისუფლების აღკვეთით ისჯება.