ქართული ოცნების განცხადებით, დმანისის მერი და რაიონული ორგანიზაციის თავმჯდომარე, გიორგი ტატუაშვილი პარტიიდან გარიცხეს.

როგორც პარტიის განცხადებაშია აღნიშნული, გარიცხვის მიზეზი გახდა პარტიული დისციპლინის უხეში დარღვევა, რაც გამოიხატა მის მიერ ქართული ოცნების კონკურენტი კანდიდატის საარჩევნო კამპანიის მხარდაჭერაში.

რომელი კონკურენტის კამპანიასა და რა სახის მხარდაჭერაზეა საუბარი, პარტიაში არ აკონკრეტებენ.

On.ge დაუკავშირდა გიორგი ტატუაშვილს და ჰკითხა, თუ რომელ კონკურენტს გულისხმობდა ქართული ოცნება. ტატუაშვილის თქმით, გარიცხვის შესახებ მან ინტერნეტით გაიგო. მან, ასევე, არც თქვა, რომელი კანდიდატის მხარდაჭერაზე იყო საუბარი და დასძინა, რომ ამას მნიშვნელობა არ აქვს.