ბოლო 24 საათის მონაცემებით, ბრაზილიაში კორონავირუსით ინფიცირების 16 641 შემთხვევა დაფიქსირდა, გარდაცვლილთა რიცხვმა კი 561 შეადგინდა. აღნიშნულ მონაცემებს ქვეყნის ჯანდაცვის სამინისტრო ავრცელებს.

მათივე ინფორმაციით, ბრაზილიაში ინფიცირებულთა საერთო რაოდენობა 2 750 318 ადამიანს აღწევს, მათგან 94 665 გარდაცვალების, ხოლო 1 912 319 გამოჯანმრთელების შემთხვევაა. ამ ეტაპზე, ბრაზილიაში COVID-19-ით 743 334 პაციენტი მკურნალობს.

ამ დროისთვის ბრაზილია კორონავირუსით ინფიცირებულთა კუთხით მსოფლიოში მეორე ქვეყანაა. პირველ ადგილზე ამერიკის შეერთებული შტატებია, 4 862 285 ინფიცირებულით. მესამე ადგილზე ინდოეთია, მეოთხეზე — რუსეთი, ხოლო მეხუთეზე სამხრეთ აფრიკა