არასამთავრობო ორგანიზაცია EMC-ის ცნობით, გუშინ 10 დეკემბერს, ნარკოტიკების მოხმარების დეკრიმინალიზაციის აქციაზე დაკავებულთა პროცესი 29 დეკემბრისთვის გადაიდო. ამჟამად ორივე დაკავებული თავისუფალია.

მათ ბრალად ედებათ ადმინისტრაციულ სამართალდარღვევათა კოდექსის 173-ე მუხლის დარღვევა, რაც პოლიციისთვის წინააღმდეგობის გაწევას გულისხმობს.

გუშინ, ყოფილი პარლამენტის შენობის წინ აქცია დეკრიმინალიზაცია 2016 გაიმართა, სადაც შეკრებილები ნარკოტიკების მოხმარების დეკრიმინალიზაციას ითხოვდნენ.

აქციაზე 2 პირი დააკავეს, მათ შორის EMC-ის მკვლევარი შოთა ხინჩაგაშვილია.