სვანეთში დაკარგული 13 წლის მოზარდის, ილია ფილფანის სამძებრო სამუშაოები სვანეთსა და შავი ზღვის სანაპირო ზოლზე მიმდინარეობს. მას უკვე მე-9 დღეა ეძებენ.

საგანგებო სიტუაციების მართვის სამსახურში On.ge-ს უთხრეს, რომ სულ მუშაობს 80 მეხანძრე-მაშველი, დრონები. უწყების განცხადებით, ასევე, ვერტმფრენი ადგილზეა და საჭიროებისა და ამინდის მიხედვით აფრინდება.

13 წლის ილია ფილფანი 18 ივლისს სახლიდან ველოსიპედით გავიდა და მას შემდეგ არ დაბრუნებულა. ბავშვს ეძებს ადგილობრივი მოსახლეობაც.