დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

გარდაბნის მუნიციპალიტეტის სოფელ ყარაჯალარში საკარანტინო შეზღუდვები დაწესდა. როგორც შინაგან საქმეთა სამინისტროში აცხადებენ საკოორდინაციო უწყებათა შორისმა საბჭომ გადაწყვეტილება მაღალი ეპიდემიოლოგიური რისკის გამო მიიღო.

სოფელ ყარაჯალარის შესასვლელსა და გასასვლელში საკონტროლო გამშვები პუნქტები მოეწყო, სადაც შინაგან საქმეთა სამინისტროს თანამშრომლები საკარანტინო შეზღუდვებს 24 საათის განმავლობაში გააკონტროლებენ.

შსს განცხადებით, სამართალდამცველების მიერ კონტროლდება სოფელთან მისასვლელი მეორეხარისხოვანი გზებიც, რომელთა მუდმივი მონიტორინგი მობილური ჯგუფების მეშვეობით ხორციელდება.

"გარდა ცოცხალი ძალისა, საკარანტინო პერიმეტრის მუდმივი მონიტორინგის პროცესში პოლიციის შესაბამისი დანაყოფების მიერ გამოიყენება საგანგებო სიტუაციების მართვის სამსახურის დრონები", — ნათქვამია განცხადებაში.

StopCov-ის სტატისტიკით, 24 ივლისისთვის საქართველოში კორონავირუსის 19 ახალი შემთხვევა დადასტურდა. გარდა ამისა, გამოჯანმრთელდა 1 ადამიანი.

ბოლო მონაცემებით, ქვეყანაში კორონავირუსის სულ 1104 შემთხვევაა გამოვლენილი, აქედან 912 ადამიანი უკვე გამოჯანმრთელდა, ხოლო 16 გარდაიცვალა. კარანტინის რეჟიმში რჩება 5 936 პირი, სტაციონარში მეთვალყურეობის ქვეშ — 268. უცხოეთიდან საქართველოში სამკურნალოდ 41 ადამიანი გადმოიყვანეს.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: