მაჟორიტარი დეპუტატების ნაწილი, რომლებმაც მაჟორიტარული სისტემის უპირატესობის მოტივით პროპორციულის ცვლილებები ჩააგდეს, "ოცნების" ახალ სიაში ვერ მოხვდნენ. მმართველმა გუნდმა მაჟორიტარობის კანდიდატები დღეს წარადგინა და მათ შორის არ არიან ის დეპუტატები, რომლებსაც რამდენიმე თვეა "პრინციპული მაჟორიტარებად" მოიხსენიებენ.

ესენი არიან:

  • აბუსერიძე ირაკლი;
  • ბერაია ირაკლი (დაჩი);
  • გულორდავა გოგა;
  • ვახტანგაძე მუხრან;
  • ზურაბიანი ცოტნე;
  • თოლორაია ედიშერ;
  • კიკნაველიძე შალვა;
  • კობალაძე კობა;
  • კოპაძე გიორგი;
  • ლურსმანიშვილი კობა;
  • მაკრახიძე იოსებ;
  • მახათაძე სულხან;
  • მაჭარაშვილი გურამ;
  • მეზურნიშვილი ირაკლი;
  • მეშველიანი გოგი;
  • მირზოევი სავალან;
  • მუჩიაშვილი რომან;
  • მხეიძე დიმიტრი;
  • მხეიძე პაატა;
  • ნავერიანი თამაზ;
  • პოღოსიანი რუსლან;
  • ქვარაია მერაბ;
  • შიოლაშვილი ირაკლი;
  • ჩანქსელიანი გოდერძი;
  • ჩრდილელი ოთარ;
  • წილოსანი ნინო;
  • ხაბარელი შოთა;
  • ხაბელოვი ლერი;
  • ხუბულური თენგიზი;
  • ჯაფარიძე ვიქტორ.
  • ხუნდაძე დიმიტრი;
  • მკოიანი ენზელ;
  • ოქრიაშვილი კახაბერი.

ე.წ. პრინციპული მაჟორიტარებიდან კანდიდატობა წილად ხვდა ანზორ ბოლქვაძეს, გოჩა ენუქიძეს, სამველ მანუკიანს; დავით სონღულაშვილს, მიხეილ ყაველაშვილს, ხახუბია ირაკლის. რაც შეეხება პროპროციულის ჩამგდებ სხვა დეპუტატებს, მაჟორიტარმა" კარლო კოპალიანმა პარლამენტი რამდენიმე თვის წინ დატოვა, კახაბერ ოქრიაშვილი კი დამოუკიდებლად აპირებს კენჭისყრას.

დღეს, 20 ივლისს ქართულმა ოცნებამ მაჟორიტარი დეპუტატობის კანდიდატები წარადგინა. მაჟორიტარების სიაში მოხვდნენ ოცნების, როგორც ძველი, ასევე, ახალი სახეები, მათ შორის ქალი მხოლოდ ერთია. მაჟორიტარად არ წარუდგენიათ იმ დეპუტატების ნაწილი, რომლებმაც მაჟორიტარული სისტემის უპირატესობის მოტივით პროპორციულს კანონპროექტი ჩააგდეს.

გაიგეთ მეტი "ოცნების" მაჟორიტარების წარდგენაზე:

შეგახსენებთ, რომ მას შემდეგ, რაც მმართველი გუნდის ლიდერმა, ბიძინა ივანიშვილმა პირობა არ შეასრულა და პროპორციული საარჩევნო სისტემის კანონპროექტი ჩავარდა, ოპოზიცია ბოიკოტის რეჟიმში გადავიდა. საპროტესტო აქციების, პარლამენტის პიკეტირებების, აქციების დაშლისა და ფასილიტატორი ელჩების ჩართვის შემდეგ, ოპოზიცია და მმართველი გუნდი ახალ "თითქმის პროპორციულ" საარჩევნო სისტემაზე შეთანხმდა, რომლის მიხედვითაც პარლამენტში საარჩევნო სიით 120 დეპუტატი შევა, 30-ს კი მაჟორიტარულ ოლქებში აირჩევენ. საპარლამენტო არჩევნები 2020 წლის ოქტომბერში სწორედ ამ სისტემით ჩატარდება.