მთავარი არხი იმერეთის რეგიონში ქართული ოცნების მაჟორიტარობის კანდიდატების სავარაუდო სიას ავრცელებს. მაჟორიტარობის კანდიდატები მმართველმა გუნდმა ხვალ, 20 ივლისს უნდა წარადგინოს.

მთავარის ინფორმაციით, ოლქები შემდეგნაირად გადანაწილდება:

  • ქუთაისის მაჟორიტარულ ოლქში — ზაზა ლომინაძე (ინფექციური საავადმყოფოს დამფუძნებელი და ქართული ოცნების სიით საკრებულოს ყოფილი წევრი);
  • საჩხერის, ჭიათურის, ხარაგაულის მაჟორიტარულ ოლქში — პაატა კვიჟინაძე (მოქმედი მაჟორიტარი დეპუტატი);
  • ტყიბული, თერჯოლის, ბაღდათისა და ზესტაფონის მაჟორიტარულ ოლქში — ელგუჯა გოცირიძე (მოქმედი მაჟორიტარი დეპუტატი);
  • ვანის, ხონის, სამტრედიისა და წყალტუბოს მაჟორიტარულ ოლქში — გივი ჭიჭინაძე (მოქმედი მაჟორიტარი დეპუტატი).

ტელეკომპანიას სატელეფონო ინტერვიუსას დეპუტატების ნაწილმა ეს ინფორმაცია დაუდასტურა, ნაწილმა კი არ უარყო.

გარდა ამისა, დღეს მთავარმა არხმა სხვა ოლქების სავარაუდო კანდიდატებზეც გაავრცელა ინფორმაცია. ტელეკომპანიაში აცხადებენ, რომ სამცხე-ჯავახეთის ორი ოლქიდან ერთის, ახალქალაქისა და ნინოწმინდის მუნიციპალიტეტის მაჟორიტარი დეპუტატი ენზელ მკოიანი იქნება. მათივე ინფორმაციით, კახეთის ორი ოლქიდან, გურჯაანის, საგარეჯოს და დედოფლისწყაროში მოქმედი მაჟორიტარი დავით სონღულაშვილი, ხოლო თელავი-ახმეტა-ყვარელი-ლაგოდეხის ოლქში ან თავდაცვის კომიტეტის ხელძღვანელი ირაკლი სესიაშვილი იბრძოლებს ან პარლამენტის საპროცედურო საკითხთა კომიტეტის თავმჯდომარე გურამ მაჭარაშვილი.

მცხეთა-მთიანეთის ოლქში, მთავარის ინფორმაციით, ქართული ოცნება კვლავ დიმიტრი ხუნდაძეს დააყენებს. თუმცა, ის ამას არ ადასტურებს და ვარაუდობს, რომ სიაში იქნება.

ამავე თემაზე: