ვიცე-პრემიერი, კახი კალაძე სავიზო ლიბერალიზაციისთვის, ევროკავშირში შეჩერების მექანიზმზე შეთანხმებას გამოეხმაურა და განაცხადა, რომ აღნიშნული პროცესი არა მხოლოდ მოქმედი ხელისუფლების დამსახურებაა, არამედ წლების წინ დაწყებულის დაგვირგვინება:

"ძალიან მნიშვნელოვანი ნაბიჯები გადაიდგა გუშინ ევროკავშირის მხრიდან. მე მაინც მჯერა და დარწმუნებული ვარ იმაში, რომ ძალიან მალე ჩვენი ქვეყნის მოქალაქეები შეძლებენ ვიზების გარეშე ევროპულ ქვეყნებში მიმოსვლას. ეს არის ჩვენი გუნდის დამსახურება, ეს არის პრემიერმინისტრის დამსახურება. მისი ბოლო ვიზიტი მინდა განსაკუთრებით გამოვყო. მთლიანად ეს პროცესი არ მინდა მიიწეროს მხოლოდ ქართულმა ოცნებამ, ძალიან ბევრი წლების წინ დაიწყო ამ მიმართულებით მსვლელობა. ბევრი მნიშვნელოვანი რეფორმა გატარდა, როგორც წინა ხელისუფლების დროს, ასევე, იმის წინა ხელისუფლების დროს. ჩვენ, ფაქტობრივად, შესაძლებლობა გვაქვს ეს ყველაფერი დაგავირგვინოთ".