გავრცელებული ინფორმაციით, ბიძინა ივანიშვილმა დღეს ქუთაისის ტექნოლოგიური უნივერსიტეტი მოინახულა, თუმცა ჟურნალისტებთან არ გამოჩენილა.

ლელო საქართველოსთვის ლიდერი ანა ნაცვლიშვილი ივანიშვილის ქუთაისში ვიზიტს ეხმაურება: "ივანიშვილი თავადაც კარგად ხვდება, რომ ხალხთან გამოსაჩენი პირი აღარ აქვს, არც პასუხები აქვს იმ კითხვებზე, რაც მრავლად დაგროვდა".

მისი თქმით, ბიძინა ივანიშვილი უნივერსიტეტს კი აშენებს, მაგრამ ახალგაზრდებსაც ვერ შეხვდა: "რომ ჰკითხავენ, საქართველოში სად უნდა დასაქმდნენ ან ამ, ან სხვა უნივერსიტეტებში ნასწავლი ახალგაზრდები — პასუხი არ აქვს! რატომ წაერთვა ქუთაისს, ისევე, როგორც მთელ საქართველოს, განვითარების პერსპექტივა, პასუხი არ აქვს; როგორ დააბრუნებს ქალაქიდან (ისევე, როგორც ქვეყნიდან) წასულ ასობით დედას მარტო დატოვებულ ასობით შვილთან და რას შესთავაზებს მათ, სამშობლოში დაბრუნებულებს, პასუხი არ აქვს. საკუთარ ქვეყანაში რომ დაიპარები და ადამიანებს ემალები — დასასრულის დასაწყისია ეს. ფინალი იქნება ოქტომბერში!" — აცხადებს ანა ნაცვლიშვილი.