"ქართული ოცნების" აღმასრულებელი მდივნის, ირაკლი კობახიძის ქვეყნის შიგნით არსებული ძალების, ოპოზიციის სახით, "გრუ"-ს აგენტებად მოხსენიებას "ლელო საქართველოსთვის" ლიდერი ბადრი ჯაფარიძე პოლიტიკურ მაზოხიზმს უწოდებს.

"იმის ნაცვლად, რომ დღეს საქართველოში რეალურად ფასდებოდეს გარე საფრთხეები და მტერი, ერთმანეთს ებრძვიან ქვეყნის შიგნით და პოზიცია ოპოზიციის წინააღმდეგ დაუმსახურებლად აგზავნის ისრებს", — განაცხადა ბადრი ჯაფარიძემ.

მისი განმარტებით, უმრავლესობა მსგავსი ტიპის განცხადებით დესტაბილიზაციის პროვოცირებას ახდენს და ამას პარტიის მმართველი სპიკერების გავლით აკეთებს.

"ქართული ოცნება, იმის ნაცვლად, რომ რეალურად აფასებდეს გარე საფრთხეებს და ამ საფრთხის ნეიტრალიზებისთვის მუშაობდეს, საპირისპიროდ იქცევა. ჩემი აზრით, ეს არის დესტაბილიზაციის პროვოცირების საუკეთესო გზა და, სამწუხაროდ, დესტაბილიზაციის პროვოცირება მომდინარეობს სწორედ მმართველი პარტიის სპიკერებიდან", — განაცხადა ბადრი ჯაფარიძემ.