ინფექციური საავადმყოფოს სამედიცინო დირექტორის, მარიანა ეზუგბაიას თქმით საქართველოში დღეს, 15 ივნისს კორონავირუსის დადასტურებული 15 შემთხვევიდან 2 სამედიცინო პერსონალია, 2-ის წყარო კი უცნობია.

გარდა ამისა, მისი განცხადებით, დადასტურებული შემთხვევებიდან 5 არის საკარანტინო სივრციდან, ოღონდ იმპორტირებული შემთხვევა, 5 საკარანტინო სივრციდან, მაგრამ კონტაქტი დადასტურებულ შემთხვევებთან, ხოლო კიდევ 1 საბურთალოს წყაროსთან კონტაქტია.

"წყარო დადგენილი იქნება და იმასთან კონტაქტი იქნება, თუ დაუდგენელი წყაროსგან იქნება ინფიცირებული ადამიანი ეს იმას ნიშნავს, რომ ჩვენ არ ვიქცევით სწორად, არ ვაკეთებთ სოციალურ დისტანცირებას და არ ვხმარობთ პირადი დაცვის საშუალებებს, სოციალური დისტანცირება ნიშნავს სოციალურ დისტანცირებას", — თქვა მარინა ეზუგბაიამ.

ექიმის განცხადებით, მიმდინარეობს ღრმა კვლევა და ჩაძიება, რის შემდეგაც, სავარაუდოდ, ყველა წყაროს მოძიება მოხდება.

ბოლო მონაცემებით, ქვეყანაში სულ დადასტურებულია კორონავირუსის 879 შემთხვევა, მათ შორის გამოჯანმრთელებულია 704 ადამიანი, ხოლო გარდაცვლილია — 14. კარანტინის რეჟიმში 2 710 პირი რჩება, სტაციონარში მეთვალყურეობის ქვეშ — 267.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: