გიორგი გაბუნიას გადაცემა არჩევანში სტუმრობისას, პარლამენტის თავჯდომარემ ირაკლი კობახიძემ პატრიოტთა ალიანსი და ნაციონალური მოძრაობა შეაფასა:

"პარლამენტში სამი პოლიტიკური ძალაა წარმოდგენილი და ჩვენი მიზანია, თითოეულ მათგანს შორის შედგეს თანამშრომლობა, ჩვენი ქვეყნისა და ხალხის საკეთილდღეოდ. ჩვენ ყველასთან შევეცდებით ამ თანამშრომლობის დამყარებას, საპარლამენტო მუშაობის ფარგლებში. მთავარი ამოცანაა, რომ ყველა პოლიტიკურმა სუბიექტმა მაქსიმალური წვლილი შეიტანოს პოზიტიურ განვითარებაში.

რა თქმა უნდა იქნება წითელი ხაზები, მაგრამ უპირველესი ამოცანაა მაქსიმალურად მჭიდრო თანამშრომლობა".

კობახიძემ ასევე წინასაარჩევნო გარემო შეაფასა და ნაციონალები არადეკლარირებული თანხების დახარჯვაში დაადანაშაულა:

"მათ ჰყავდათ მთელი ქვეყნის მასშტაბით 20 000 აგიტატორი დაქირავებული 150 ლარად, 2 თვის განმავლობაში უხდიდნენ მათ ამ თანხას. ეს აუდიტის სამსახურის გადასამოწმებელია".

მან ასევე ისაუბრა კონსტიტუციური უმრავლესობის საკითხზე და განაცხადა, რომ ქართული ოცნება არასდროს მიიღებს იმ გადაწყვეტილებას, რაც ვენეციის კომისიას არ მოეწონება.