იუსტიციის მინისტრის, თეა წულუკიანის განცხადებით, ორშაბათს დილიდან პენიტენციურ დაწესებულებებში ხანმოკლე პაემნები აღდგება. მისი თქმით, პრევენციული ზომები მკაცრი იქნება და პაემნები მხოლოდ მინის ბარიერის პირობებში იქნება შესაძლებელი. ასევე, მისივე თქმით, სტუმარი ვალდებული იქნება დაემორჩილოს სანიტარულ წესებს, რომელიც დაწესებულებაში მოქმედებს.

"ძალიან მნიშვნელოვანია, რომ გარესამყაროსთან და ოჯახთან მსჯავრდებულების კონტაქტი რაც შეიძლება მალე აღდგეს და იმ ბრალდებულების, ვისაც ამის უფლება აქვს კანონით დადგენილი წესით", — განაცხადა მან.

კორონავირუსის გამო პენიტენციურ დაწესებულებებში პაემნები და გარეთ გასვლის უფლება 6 მარტს შეიზღუდა. ასევე, აკრძალული იყო ამანათების შეგზავნა, რაც 20 მაისს განახლდა.