დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

ინფექციური საავადმყოფოს კლინიკური დირექტორის, მარინა ეზუგბაიას თქმით, საავადმყოფოში კორონავირუსით ინფიცირებული ერთი კრიტიკული პაციენტის პროგნოზი უკვე კეთილსაიმედოა. ამ თემაზე მან ჟურნალისტებთან ისაუბრა.

"ჩვენი კრიტიკული პაციენტი, რომელსაც მუდმივად ვახსენებდით, დღეს შეგვიძლია ვთქვათ, რომ პროგნოზი მასთან უკვე კეთილსაიმედოა, მდგომარეობა დასტაბილურდა, ჟანგბადის საჭიროებაც მოიხსნა და იმედია, თუ ასეთი მდგომარეობით გაგრძელდება სიტუაცია, ალბათ, მალე გაწერაზეც ვილაპარაკებთ", — თქვა მარინა ეზუგბაიამ.

ეზუგბიას ინფორმაციით, ინფექციური საავადმყოფოში 40 პაციენტი რჩება, საიდანაც 35 დადასტურებული შემთხვევაა. ექიმის თქმით, კლინიკაში ახალი დადასტურებული შემთხვევა არ შესულა.

სულ საქართველოში კორონავირუსით ინფიცირების 723 შემთხვევაა გამოვლენილი, მათგან გამოჯანმრთელებულია 495 ადამიანი, ხოლო გაედაცვლილია — 12. კარანტინის რეჟიმში 3 614 პირი რჩება, სტაციონარში მეთვალყურეობის ქვეშ კი — 316.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: