სპეცოპერაციის დაწყებიდან ერთი თვის შემდეგ, ერაყის ქალაქი მოსული სრულად მოაქციეს ალყაში სამთავრობო სამხედრო ძალებმა. ამის შესახებ CNN იუწყება.

ტელეკომპანიის ცნობით, ავიაიერიშების დროს ტერორისტული დაჯგუფების ე.წ. ისლამური სახელმწიფოს ნინევას პროვინციის პროპაგანდისტული ვიდეოებისა და ფოტოების გამავრცელებელი ზიად ხარუფა მოკლეს.

ერაყის სპეცრაზმი ქალაქში 2 ნოემბერს შეიჭრა. აღნიშნული ISIS-ის წინააღმდეგ დაწყებული სპეცოპერაციის მე-17 დღეს მოხდა. მოსულის დაბრუნების ოპერაციაში 100 000-ზე მეტი ადამიანია ჩართული, რომლებიც ერაყის მხარდამჭერ კოალიციას წარმოადგენდნენ, მათ შორის იყვნენ, შიიტები, ქურთები და ქრისტიანები.