გამარჯვებული საქართველოს ლიდერმა, ირაკლი ოქრუაშვილმა განაცხადა, რომ თუ ხელისუფლება "აბაროტებს" მოუმატებს, ოპოზიციის მხრიდანაც იმავეს მიიღებს. ამ თემაზე მან TV პირველის ეთერში ისაუბრა და აღნიშნა, რომ გიგი უგულავას დაკავებამდე მსგავსი გზავნილი ბიძინა ივანიშვილმა უთხრა.

"მოუმატებს ხელისუფლება აბაროტებს?! ჩვენი მხრიდანაც იგივე იქნება. რა შეგვიძლია მან ნახა "გავრილოვის ღამეს". რა შეუძლია ოპოზიციის ერთობას და რა შეძლო ოპოზიციამ, მან ნახა ფაქტობრივად დღეს. 8 მარტს თავისთავად შეთანხმების გაფორმების შედეგად", — თქვა ირაკლი ოქრუაშვილმა.

ოქრუაშვილის თქმით, საქართველოს დამოუკიდებლობის 30 წლიანი ისტორიის განმავლობაში, არასდროს ჰყოლია ისეთი პასუხისმგებლიანი, ინტელექტუალური, სწორხაზოვანი და დისციპლინური ოპოზიცია, როგორიც დღესაა.

პრეზიდენტმა სალმე ზურაბიშვილმა დღეს, 15 მაისს ოპოზიციის ლიდერები, ირაკლი ოქრუაშვილი და გიგი უგულავა შეიწყალა. მათ საპატიმრო დაწესებულება უკვე დატოვეს.