აშშ-ის ელჩის, კელი დეგნანის განცხადებით, საქართველოს დასახმარებლად, მაისის ბოლომდე ამერიკის სოფლის მეურნეობის დეპარტამენტი ხელს მოაწერს 18 მცირე საგრანტო შეთანხმებას, მთლიანობაში 400 000 დოლარის ოდენობით. დეგნანის განმარტებით, ამ გრანტების მიზანია ხორცის, რძის პროდუქტისა და ფერმერთა სექტორის გაძლიერების მხარდაჭერა და სურსათის უსაფრთხოების სტანდარტების გაუმჯობესება.

გარდა ამისა, აშშ საქართველოს დამატებით 27 000 ტონა ხორბალს აჩუქებს. ამდენივე აშშ-მ საქართველოს დეკემბერში აჩუქა. აშშ-ის NCDC კი საქართველოს ჯანდაცვის სისტემას $3 მილიონით დაეხმარება.

დეგნანის განცხადებით, ამერიკამ უკვე მილიარდ დოლარზე მეტი დოლარი დახარჯა მსოფლიოში კორონავირუსთან საბრძოლველად, ჰუმანიტარული და ეკონომიკური დახმარებისთვის.