საზოგადოებრივი მაუწყებლის სამეურვეო საბჭომ უკვე ყოფილი გენერალური დირექტორის, გიორგი ბარათაშვილის განცხადება თანამდებობის დატოვების შესახებ დააკმაყოფილა. თანამდებობაზე კი დროებით თიკო ბერძენიშვილი დაინიშნა, რომელიც მოვალეობას დროებით შეასრულებს.

ბარათაშვილს თანამდებობაზე მოვალეობის შესასრულებლად 2 წელი ჰქონდა დარჩენილი.

შესარჩევ კონკურსში მონაწილეობის მიღების მზაობა დაადასტურა ნინო ზაუტაშვილმა ჟურნალისტებთან საუბარში. მას ამჟამად საზოგადოებრივი მაუწყებლის ეთერში გადაცემა რეალური სივრცე მიჰყავს:

"მე ზუსტად ვიცი როგორი უნდა იყოს საზოგადოებრივი მაუწყებელი." - განაცხადა ზაუტაშვილმა.

რადიო ჰერეთის ინფორმაციით, გენერალური დირექტორის პოზიციაზე შესარჩევ კონკურსში მონაწილეობის სურვილს გამოთქვამს რამაზ სამხარაძეც.

სამხარაძე სამაუწყებლო კომპანია ჰერეთის რადიოსადგურების თბილისის და ჰერეთის დამფუძნებელი და დირექტორია.