ცნობილი ისლანდიელმა სპორტსმენმა და მსახიობმა ჰაფთორ ბიორნსონმა, რომელსაც მაყურებლები სერიალ Game Of Throne-ში გრეგორ კლიგეინის, იგივე მთის სახელით ცნობილი პერსონაჟის როლით იცნობენ, ახალი მსოფლიო რეკორდი დაამყარა.

ბიორსონმა 501 კილოგრამის სიმძიმის აწევა შეძლო. ამ სახეობაში წინა მსოფლიო რეკორდი 2016 წელს ძალოსანმა ედი ჰოლმა მოხსნა 500 კილოგრამით, ოთხი წლის შემდეგ კი ეს შედეგი Game Of Throne-ის ვარსკვლავმა გააუმჯობესა.

ამ მოვლენის ამსახველი ჩანაწერი მსახიობმა თავის ინსტაგრამზე გამოაქვეყნა:

"სიტყვები არ მყოფნის. ეს ის შესანიშნავია დღეა, რომელიც მთელი ცხოვრება მემახსოვრება. მინდა, დიდი მადლობა გადავუხადო ჩემს ოჯახს, მეგობრებს, მწვრთნელებს, ფანებს, სპონსორებსა და მტრებს, რომელთა დახმარებითაც მე ეს შევძელი", — ვკითხულობთ ვიდეოს აღწერაში.

BBC-ის ცნობით, ჰაფთორ ბიორნსონი სიმაღლეში 2.05 მეტრია და 2018 წელს ძალოსნების მსოფლიო ჩემპიონატის 2018 წლის გამარჯვებულია.

HBO-ს გახმაურებულ სერიალში ის ცნობილი მეორეხარისხოვანი პერსონაჟის მთის როლს მეოთხე სეზონიდან შოუს დამთავრებამდე ასრულებდა.

ფოტო: HBO