პარლამენტის თავმჯდომარე, არჩილ თალაკვაძე ამბობს, რომ ქართული ოცნება არჩევნებისთვის საზოგადოების წინაშე განახლებული გუნდით და გამოცდილი პოლიტიკოსებით წარდგება. მისი თქმით, გუნდში განახლება საჭიროა და მომავალში ახალი პოლიტიკური კლასი შემოვა.

როგორც თალაკვაძემ თქვა, მმართველი პარტია მზადაა, რომ მომავალზე პასუხისმგებლობა აიღოს.

"დღეს ბევრი საუბარია, რომ ის საქმე, რომელსაც ჩვენ ყოველდღე ვაკეთებთ ეს არის თითქოს კამპანია... ჩვენ თითქოს გვაქვს საკადრო პრობლემები და ა.შ. ეს არის უსაფუძვლო განცხადებები და თუ რა იქნება ჩვენი წინასაარჩევნო კამპანია და პროგრამა ამას საზოგადოება დაინახავს. რასაც ყოველდღე ვაკეთებთ ჩვენი ვალდებულების ფარგლებში, ეს ნამდვილად არ იქნება ის, რითაც ჩვენ წარვდგებით წინაშე წინასაარჩევნოდ. თუ საზოგადოება გადაწყვეტს, რომ ჩვენი გაკეთებული საქმეების გამო მხარი დაგვიჭიროს, ეს მათი გადასაწყვეტია, მაგრამ წინასაარჩევნო პროგრამა იქნება მკაფიოდ ჩამოყალიბებული პრიორიტეტები და პროგრამა", — განაცხადა თალაკვაძემ რუსთავი 2-ის ეთერში.