დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

თბილისის ინფექციური საავადმყოფოს კლინიკური დირექტორის, მარინა ეზუგბაიას თქმით, ქვეყანაში პირველად ბოლო 24 საათის განმავლობაში უფრო მეტი გამოჯანმრთელებულია, ვიდრე ახალი ინფიცირების შემთხვევა.

"დაგვემატა სულ 6 ახალი შემთხვევა და 517 დადასტურებული შემთხვევაა. გამოჯანმრთელებულები ქვეყნის მასშტაბით, დაგვემატა 12 და 168 არის. პირველად არის, რომ გამოჯანმრთელებულებსა და დადასტურებულებს შორის ასეთი დიდი სხვაობა არის და ძალიან სასიამოვნოა, რომ გამოჯანმრთელებულების რაოდენობა მეტია და ჩემი სურვილი იქნება ასე გაგრძელდეს", — განაცხადა მარინა ეზუგბაიამ.

ბოლო მონაცემებით, საქართველოში კორონავირუსი კიდევ 6 ადამიანს დაუდასტურდა და მათი საერთო რაოდენობა 517-მდე გაიზარდა. მათგან გამოჯანმრთელებულია 168, ხოლო გარდაცვლილი 6. კარანტინის რეჟიმში 5 153 ადამიანი იმყოფება, სტაციონარში მეთვალყურეობის ქვეშ — 549.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: