ლეიბორისტული პარტიის ლიდერი, შალვა ნათელაშვილი რუსთავი 2-ის ირგვლივ მიმდინარე მოვლენებს აფასებს და ამბობს, რომ რუსთავი 2-ის ხელში ჩაგდება ივანიშვილის ცისფერი ოცნებაა:

"ყველაფერს გააკეთებს იმისთვის, რომ მედიის ეს ავტორიტეტული საშუალება იყო მის განკარგულებაში. ის არსად არ აპირებს წასვლას, აპირებს მთელი სიცოცხლე მმართველობას და შემდეგ შვილებისთვის გადაცემას. ერთადერთი ძალა მასმედიაში, რომელიც ამ ძალას წინ აღუდგება და ხელს შეუშლის, არის რუსთავი 2".

რუსთავი 2-ის საქმის ბოლო ინსტანციაში განხილვამდე სამი დღე რჩება და იურისტები უზენაეს სასამართლოს კიდევ ერთი შუამდგომლობით მიმართავენ. სამაუწყებლო კომპანია ყადაღის მოხსნას ითხოვს, რომლის შესახებაც შუამდგომლობა რუსთავი 2-ის იურისტმა თამთა მურადაშვილმა სასამართლოში დღეს შეიტანა.