ასლან ბჟანიან ოკუპირებული აფხაზეთის დე ფაქტო საპრეზიდენტო ფიცი დადო. კორონავირუსის ეპიდემიის მიუხედავად, ცერემოანიას სტუმრებიც ესწრებოდნენ. როგორც ეხო კავკაზა წერს, პანდემიის მიზეზით ღონისძიებას უცხოელი სტუმრები არ ესწრებიან.

მანამდე აფხაზეთის დე ფაქტო ჯანდაცვის სამინისტრო აცხადებდა, რომ ცერემონიაზე უსაფრთხოების ზომებსა და დისტანციას დაიცავენ, თუმცა არც ერთი შესრულებული არ იყო.

"ჩვენს მთავარ მოკავშირესთან და პარტნიორთან, რუსეთთან ყოველმხრივი თანამშრომლობის განმტკიცება და განვითარება იყო და რჩება აფხაზეთის საგარეო პოლიტიკის პრიორიტეტად. შეთანხმებების შესაბამისად ჩვენს მოძმე რუსეთთან უფრო ინტერნსიურ მუშაობას გავაგრძელებთ", — განაცხადა ბჟანიამ ინაუგურაციის დროს.

ოპოზიციურმა კანდიდატმა ასლან ბჟამიან დე ფაქტო საპრეზიდენტო არჩევნებში 56,5 პროცენტით გაიმარჯვა. მისი თქმით, მთავრობას ყოფილი პრეზიდენტი და მისი საარჩევნო შტაბის ხელმძღვანელი ალექსანდრ ანკვაბი უხელმძღვანელებს.