ბრიტანეთის ჯანდაცვის მინისტრი 70 წლის და ზემოთ მოსახლოებას სთხოვს, რომ უახლოესი კვირების განმავლობაში სახლებში დარჩნენ. ამის შესახებ ინფორმაციას BBC ავრცელებს.

მეთ ჰენკოკმა აღნიშნა, რომ როდესაც ეს გადაწყვეტილება ძალაში შევა დიდხანს გაგრძელდება. ბრიტანეთის მთავრობამ გასულ ორშაბათს მოუწოდა ზრდასრულ ადამიანებს დისტანციურ რეჟიმზე გადასულიყვნენ, თუმცა თვითიზოლაციის მოთხოვნა ჯერ არ გაკეთებულა.

მეთ ჰენკოკმა BBC-ისთან აღნიშნა, რომ მთავრობა მწარმოებლებს სთხოვს დაეხმარონ სამედიცინო აღჭურვილობის, მათ შორის სასუნთქი აპარატების წარმოებაში. მინისტრის თქმით, მთავრობა მოლაპარაკებებს აწარმოებს კერძო სექტორთანაც, მათ შორის სასტუმროებთან, რომლებიც ინფიცირებულებისთვის ადგილებს გამოყოფენ.

ბრიტანეთში კორონავირუსით 14 ადამიანი გარდაიცვალა და ჯამში გარდაცვლილთა რაოდენობამ 35-ს მიაღწია. ქვეყანაში ვირუსის 1 372 დადასტურებული შემთხვევაა.

11 მარტს ჯანდაცვის მსოფლიო ორგანიზაციამ COVID-19, იგივე კორონავირუსი, საერთაშორისო პანდემიად გამოაცხადა.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: