თბილისის მერიაში არ ადასტურებენ, რომ თბილისში ჰაერის ვერტმფერენებით შეწამვლა იგეგმება. როგორც On.ge-ს თბილისის მერიაში განუცხადეს, აღნიშნული ინფორმაცია "აბსოლუტური სიცრუეა" და სიმართლეს არ შეესაბამება.

დღეს, 11 მარტს ფეისბუქით გავრცელდა ინფორმაცია, რომ 23:00 საათიდან დილის 05:00 საათამდე თბილისი სადეზინფექციო ხსნარით ვერტმფერენებიდან უნდა შეიწამლოს.

როგორც ცნობილია, კორონავირუსის პრევენციის გამო თბილისის მერია ავტობუსებში, მეტროსადგურებში, მეტროს ვაგონებში, სერვისცენტრებში, უფასო სასადილოებსა და სხვა ობიექტებში დეზინფექციას ატარებს.