პოლიტიკური გაერთიანება ლელოს პოლიტსაბჭოს წევრის, ანა ნაცვლიშვილის განცხადებით, საქართველო ბედნიერი დედების ქვეყანა გახდება. მისი თქმით, "ლელოს მოდელი" წარმატებული ქვეყნისთვის სწორედ ასეთია.

"როდის არის დედა ბედნიერი? როდესაც ის ხედავს, რომ მისი შვილები არიან დაცულები და რეალიზებულები, როდესაც მათ აქვთ ნათელი და ღირსეული მომავლის პერსპექტივა. აი ასეთ შემთხვევაში არის დედა ბედნიერი", — განცხადა მან.

მისივე თქმით, ყველა დედამ იცის, რომ მხოლოდ მისი შვილების კეთილდღეობა არ არის საკმარისი და აუცილებელია, ქვეყანაში ყველა ადამიანს ჰქონდეს უსაფრთხო და ღირსეული ცხოვრების შესაძლებლობა.

დღეს, 3 მარტს, ლელო საქართველომ ქალთა კვირეულის ფარგლებში ქალთა საბჭო დააფუძნა და 12 ქალი ახალი ქალი წევრი წარადგინა. პარტიის ლიდერმა, ბადრი ჯაფარიძემ ახალ წევრ ქალებს ყვავილები დაურიგა.