2019 წელს თბილისში ხუთვარსკვლავიანი სასტუმრო ჰილტონ თბილისი გაიხსნება. ამის შესახებ ეკონომიკის სამინისტრომ დღეს, 2 ნოემბერს, განცხადება გაავრცელა. მათი ცნობით, იგი თბილისში კოსტავას ქუჩაზე მდებარე სოფლის მეურნეობის სამინისტროს ყოფილ შენობაში განთავსდება.

უწყების განცხადებით, 200-ნომრიან სასტუმროში 20 მილიონი დოლარის ინვესტიცია განხორციელდება.

კორპორაცია ჰილტონსა და კომპანია გრანატს შორის შესაბამისი კონტრაქტი დღეს გაფორმდა. კონტრაქტს ხელი მოაწერეს კორპორაცია Hilton Worldwide-ის ვიცე-პრეზიდენტმა მაიკლ კოლინიმ და კომპანია Granat Georgia-ს პრეზიდენტმა ელგუჯა ცინცაძემ.

2015 წელს კომპანია გრანატსა და საქართველოს მთავრობას შორის გაფორმებული ხელშეკრულებით, კომპანიამ აიღო ვალდებულება თბილისში კოსტავას ქუჩაზე მდებარე ყოფილი სოფლის მეურნეობის სამინისტროს შენობაში გაეხსნა საერთაშორისო ბრენდის 5 ვარსკვლავიანი სასტუმრო.

სოფლის მეურნეობის სამინისტროს ყოფილი შენობა

სოფლის მეურნეობის სამინისტროს ყოფილი შენობა

ფოტო: ეკონომიკისა და მდგრადი განვითარების სამინისტრო