31 ოქტომბერს ტელეკომპანია იმედის გადაცემა დღის შოუს პირდაპირ ეთერში 4 თვის ბავშვს ყური გაუხვრიტეს.

მშობელი ბავშვს აკავებდა, მანამ, სანამ მას ყურს გაუხვრეტდნენ, წამყვანები კი სიტუაციის განმუხტვას ცდილობდნენ, რადგან პროცესის დაწყებამდეც და მის შემდეგაც ბავშვი ტირილს არ წყვეტდა. კადრებმა მაყურებლის უკმაყოფილება გამოიწვია.

დღის შოუს განმარტებით, ყურის გახვრეტა გამოცდილი სპეციალისტების მიერ, ყველა წესის დაცვით მოხდა, მათ კი ამ პროცედურის ჩვენება მშობლებისგან არსებული მაღალი ინტერესის გამო გადაწყვიტეს.