ცესკოს პრესსპიკერის ანა მიქელაძის განცხადებით, ამ ეტაპისათვის დამუშავებული და დათვლილია შემაჯამებელი ოქმების საერთო რაოდენობის 50 პროცენტზე მეტი, სულ 1250 უბნის მონაცემები. ამ წუთებში მიმდინარეობს წინასწარი მონაცემების ვებ-გვერდზე გამოქვეყნების პროცესი:

"რადგან მეორე ტური მაჟორიტარული საარჩევნო სისტემით ჩატარდა თითოეულ წუთს გადამწყვეტი მნიშვნელობა აქვს".

მიქელაძე განმარტავს, რომ ცესკო შედეგებთან დაკავშირებულ ბრიფინგს მაშინ გამართავს, როდესაც ხმებს უბნების უმრავლესობიდან დაითვლიან. წინასწარი შედეგები მთელი ღამის განმავლობაში განახლდება.