ყველაფერი მარტივი რომ გენიალურია, ეს ფრაზა, ალბათ, ერთხელ მაინც ყველას მოგისმენიათ. თანამედროვე ადამიანები უფრო და უფრო მეტად ვცდილობთ, გავამარტივოთ ყველაფერი, რაც ჩვენ გვეხება. სწორედ ცხოვრების გამარტივების მიზნით შეიქმნა TBC PAY-ს ახალი აპლიკაციაც (როგორც Android, ისე iOs ვერსიები უკვე ხელმისაწვდომია).

TBC PAY თიბისის ჯგუფის წევრი კომპანიაა, რომელმაც მომხმარებელზე ზრუნვა ქუჩებში მდგარი ჩასარიცხი აპარატებიდან დაიწყო, დღეს კი ის შენს მობილურში, ერთ აპლიკაციაშია მოქცეული. ეს არის აპლიკაცია, რომელიც საშუალებას გაძლევთ, სახლიდან გაუსვლელად, ნებისმიერ დროს, მომენტალურად დაფაროთ გადასახადები და ისარგებლოთ 1 000-მდე სხვა მომსახურებით.

TBC Pay Mobile

TBC PAY Mobile თქვენი ცხოვრების გამარტივებას საკუთარი სიმარტივით იწყებს. ყოველგვარი ზედმეტი ძალისხმევის გარეშე, უთითებთ მობილურის ნომერს, იღებთ SMS კოდს და რეგისტრირდებით. ამ მომენტიდან თქვენ წინ ათასამდე შესაძლებლობა იშლება: ბანკები და დაზღვევა, ინტერნეტი და ტელევიზია, კომუნალური გადასახადები, ტრანსპორტი, სახელმწიფო სერვისები, განათლება, ამანათები და სხვა.

მარტივი გადახდის ამ აპლიკაციას რამდენიმე ძირითადი ფუნქცია აქვს:

• თანხის გადარიცხვა, რომლისთვის მხოლოდ მიმღების მობილურის ნომრის მითითებაა საჭირო, გადარიცხვა შესაძლებელია სხვადასხვა ბანკის მომხმარებლებს შორის, თანხა კი მყისიერად აისახება;
• თანხის მოთხოვნა და ხარჯების განაწილება, რაც ინოვაციური პროდუქტია ქართული ბაზრისთვის და TBC Pay-ს აპლიკაციაში ძალიან მალე იქნება ხელმისაწვდომი და რაზეც ინფორმაციას ძალიან მალე გაგიზიარებთ;
• სერვისების გადახდა, რაც გულისხმობს სხვადასხვა კატეგორიის 1 000-მდე მომსახურების დაფარვას, მაგალითად, გადასახადოთ კომუნალურები, განვადება, სესხი ან სხვა პერიოდული გადასახადი, ამასთანავე, გააკეთოთ ჯავშანი მართვის მოწმობის გამოცდაზეც კი.

გარდა იმისა, რომ აპლიკაციით სარგებლობა და ბარათის მიბმა ნებისმიერი ქართული ბანკის მომხმარებელს შეუძლია, TBC Pay-თ სარგებლობა ბარათის ფლობის გარეშეც შესაძლებელია, კერძოდ, მისი ელექტრონული საფულის გამოყენებით. ბალანსის შევსება შეგიძლიათ ნაღდი ფულით თიბისი ფეის სწრაფი გადახდის აპარატიდან. ამასთან, აპლიკაციის გამოყენება ჯერჯერობით მაგთის აბონენტებისთვის მობილური ინტერნეტის გარეშეც კი შესაძლებელია.

TBC PAY-ის შესახებ

TBC PAY 10 წელზე მეტია მომენტალური გადახდების ბაზარზე ფუნქციონირებს. დასაწყისში კომპანია 50-მდე სწრაფი გადახდის აპარატით შემოიფარგლებოდა, დღეს მათი რიცხვი დაახლოებით 3 500-ია და მომხმარებლებისთვის აპლიკაციაც ხელმისაწვდომია.

TBC PAY მომხმარებლებთან ერთად აერთიანებს ასობით პატარა თუ დიდი კომპანიის სერვისებს. კომპანიაში 300-მდე თანამშრომელი მუშაობს და მოქმედებს 24 საათიანი მხარდაჭერის ცენტრი, რომელიც თქვენს კითხვებს დაუყოვნებლივ გასცემს პასუხს.

კომპანიის სამივე პროდუქტი – აპარატები, ვებგვერდი და მობილური აპლიკაცია არ პასუხობს მხოლოდ ერთი ბანკის მომხმარებელთა საჭიროებებს. მნიშვნელობა არ აქვს, რომელი ბანკის მომხმარებლი ხართ, ის ნებისმიერ ადამიანზეა მორგებული.

მარტივი გადახდებისთვის TBC PAY-ს უკვე 75 637 რეგისტრირებული მომხმარებელი იყენებს. რას ელოდებით? შეუერთდით მათ რიცხვს.