ერთიანი ნაციონალური მოძრაობის წევრი, სამირა ისმაილოვა ამბობს, რომ მარნეულის მესამე საარჩევნო უბანზე ერთ-ერთი არასამთავრობო ორგანიზაციის წარმომადგენელი საარჩევნო უბნიდან მის გაძევებას ითხოვდა:

"ამტკიცებდა, რომ კოდექსში წერია, რომ საარჩევნო სუბიექტების წარმომადგენლები მაინცდამაინც ჟურნალს თავზე უნდა ედგნენ და აკონტროლებდნენ. მე ჟურნალთან ახლოს ვიყავი, ეს ნამდვილად არ იყო პრობლემა, მაგრამ მაშინვე დაიწყო მან ყვირილი, რომ კომისიამ დააყენოს საკითხი და გამაძევონ. მაგრამ კომისიის მხრიდან არ ყოფილა ასეთი განწყობა".

რაც შეეხება აღნიშნული უბნის კომისიის თავჯდომარის პოზიციას, სამირა გაიდაროვა ამბობს, რომ მომხდარის გამო საჩივარი არავის დაუწერია და განმარტავს, რომ არასამთავრობო სექტორის წარმომადგენლის მოთხოვნა უკანონო იყო. ადგილზე საოლქო კომისიის თავმჯდომარეც გამოცხადდა.