ფეისბუკზე ვრცელდება ვიდეო, სადაც ჩანს, რომ მეტროსადგურ სადგურის მოედნის ბაქანზე მდგომი ბიჭი საკუთარ სიცოცხლესა და ჯანმრთელობას გართობის მიზნით საფრთხეში აგდებს. ის მოძრავ მატარებელს ახტება და გვირაბამდე მიჰყვება.

როგორც თბილისის სატრანსპორტო კომპანიაში On.ge-ს უთხრეს, ფაქტზე გამოძიება მიმდინარეობს და შესაბამისი უწყებები საზოგადოებრივი წესრიგის დამრღვევის იდენტიფიცირებას ცდილობენ:

"არსებობს სანქციები მათთვის, ვინც მეტროში არსებულ წესებს არ ემორჩილება, თუმცა აღნიშნულ დარღვევაზე კონკრეტული თანხა არაა გამოყოფილი".

კომპანიაში განაცხადეს, რომ შემთხვევისას ადგილზე არ იყო საპატრულო პოლიცია და ის მომხდარს არ შესწრებია.