არჩევნების შემდგომ პერიოდში თავისუფალი დემოკრატები პარტიის რამდენიმე დამფუძნებლებმა და ლიდერმა დატოვა. ამ და სხვა საკითხებზე On.ge თავისუფალი დემოკრატების აღმასრულებელ მდივანს, თამარ კეკენაძეს ესაუბრა.

კითხვაზე, თუ რას აპირებს პარტია ლიდერების წასვლის შემდეგ, როგორ აპირებს განახლებასა და ახალი სახეების მოზიდვას კეკენაძემ ასე უპასუხა:

"ეს არის ერთ-ერთი საკითხი, სადაც, ალბათ, ჩვენ შეცდომები დავუშვით. მიუხედავად იმისა, რომ პარტიას ძალიან ბევრი პროფესიონალი წევრი ჰყავს, მათ შორის წინასაარჩევნოდ შემომატებული მაჟორიტარები და განახლებული გამგეობა, რომელიც ივლისში ავირჩიეთ, ჩვენ ვერ მოვახერხეთ, საზოგადოებისთვის ეს ხალხი გაგვეცნო.

პარტიას ბოლო 8 წლის განმავლობაში ჰყავდა 4-5 სახე, რომელთა მიმართებითაც ხდებოდა ზოგადად პარტიის იდენტიფიცირება. ამ ადამიანების გასვლამ პარტიიდან და პოლიტიკური სივრციდან, გამოიწვია ასეთი აჟიოტაჟი. რეალურად, პარტია რჩება იმ შემადგენლობით, რა შემადგენლობითაც მუშაობდა. პირიქით, ძალიან ბევრი, კარგი, მაღალი დონის პროფესიონალი შემოგვიერთდა მას მერე, რაც პარტიამ კოალიცია ქართული ოცნება დატოვა. ახალი სახეები არიან, უბრალოდ არ ჩანან და ჩვენ ვაპირებთ, რომ მიზანმიმართულად ვიმუშაოთ, რათა ეს ადამიანები უკვე სხვა კუთხით გავაცნოთ საზოგადოებას."

სრულად, ინტერვიუ თამარ კეკენაძესთან იხილეთ ბმულზე:

თავისუფალი დემოკრატების პოლიტიკური პერსპექტივა თამარ კეკენაძის თვალთახედვით.