შეთანხმების თანახმად, რომელსაც ორივე მხარე სავარაუდოდ 2016 წლის ბოლოს მოაწერს ხელს, ოს სამხედროებს შეეძლებათ რომ რუსეთის შეიარაღებულ ძალებში იმსახურონ.

ამის შესახებ რუსული საინფორმაციო სააგენტო TASS იუწყება, დე-ფაქტო სამხრეთ ოსეთის თავდაცვის მინისტრ იბრაჰიმ გასიევზე დაყრდნობით:

"ჩვენ ყველა საკითხზე შევთანხმდით რუს კოლეგებთან ერთად. დავასრულეთ შიდა კოორდინაცია, ამის შემდეგ კი შეთანხმებას ხელს მოვაწერთ. მოლოდინი გვაქვს რომ ეს წელს მოხდება".

მისი თქმით, შეთანხმება სამხედროებს საშუალებას მისცემს რუსეთის თავდაცვის სამინისტროს მე-4 სამხედრო ბაზაზე იმსახურონ.

გასიევის ინფორმაციით, შეთანხმება ასევე ითვალისწინებს დე-ფაქტო სამხრეთ ოსეთის შეიარაღებული ძალების ინფრასტრუქტურის გაუმჯობესებას.