აქტივისტი და ოპერატორი, რომელმაც მთავრობას "საახალწლო კლიპი დაუმზადა" მორიგ საპროტესტო ვიდეოს ავრცელებს. ლუკა იმედაიშვილის გადაღებულ კადრებში ისევ საახალწლო განწყობაა, რასაც ფონად გასდევს აქციის დაშლის, აქტივისტების პროტესტისა და სროლის ხმები.

ამჯერად აქტივისტმა საზოგადოებას უთხრა, რომ "თავისუფლებაზე ძვირფას საჩუქარს სახლში ვერ მიიტან" და საახალწლო სამზდისის დროსაც არ შეიძლება იმის დავიწყება, რომ #სირცხვილია.

პირველი ვიდეო ლუკა იმედაშვილმა საქართველოს მთავრობისა და თბილისის მერისთვის დაამზადა. ვიდეოში თბილისის საახალწლო განათებები, მორთული ქუჩები, ნაძვის ხე და წყვილი ჩანდა. კადრებს ფონად კი იგივე ხმა ედო.

იმედაშვილმა On.ge-სთან საუბრისას თქვა, რომ დღესასწაული არ გვაძლევს იმის უფლებას, რომ რამე დაგვავიწყდეს.