ლევან იზორია სამხედრო საწვრთნელ ბაზაზე მომხდარი ინცინდენტის შესახებ მედიასთან პირველ კომენტარს აკეთებს. მისი თქმით, გუშაგი აბსოლიტურად ნორმების დაცვით მოქმედებდა, როდესაც სამი პირი დაცულ ბაზაზე "უკანონოდ" შევიდა:

"დილის 4-ის ნახევარზე სამი პირი უკანონოდ შეიჭრა სასწავლო ცენტრში, რომელიც დაცულია. გუშაგი მოიქცა აბსოლიტურად ნორმების დაცვით, შესაბამისად გამოძიება გრძელდება. მიმდინარეობს ორი თანმხლები პირის დადგენა. შემთხვევის ადგილზე იპოვეს მობილური ტელეფონი, პისტოლეტი და გამომძიება ამომწურავ ინფორმაციას მოგვიანებით იტყვის".

23 ოქტომბერს, წვრთნებისა და სამხედრო განათლების მხარდამჭერ ცენტრ კრწანისში უცხო პირები შეიჭრნენ. სამინისტროს განცხადებით, შეჭრის შემდეგ მიმდებარე ტერიტორიაზე ერთ-ერთი თავდამსხმელის გვამი აღმოაჩინეს, რომელიც ამ დროისთვის იდენტიფიცირებულია.

ოჯახის წევრები გარდაცვლილის მხრიდან კრწანისის ბაზაზე თავდასხმის ფაქტს გამორიცხავენ და ასევე ამბობენ, რომ გამორიცხულია, მას იარაღი ჰქონოდა. ამ დროისთვის მოკლული, გიგა შენგელია ზუგდიდში, თავის სახლშია გადასვენებული.