ქართული ოცნების ყოფილი მდივანი, თამარ ჩუგოშვილი მიიჩნევს, რომ მისი ყოფილი კოლეგების ნებისმიერი სახის მცდელობა საერთაშორისო პარტნიორებს გადაწყვეტილებას ვერ შეაცვლევინებს. მან ამაზე TV პირველის ეთერში ისაუბრა.

ჩუგოშვილმა კიდევ ერთხელ აღნიშნა, რომ საერთაშორისო პარტნიორებს არ აქვთ ინფორმაციული ვაკუუმი, როგორც ამის წარმოჩენას ქართული ოცნების წევრები ცდილობენ.

"კარგია, რომ ჩადიან; კარგია, რომ კომუნიკაციაა, მაგრამ ახსნის ნაკლებობა კი არ არის, არის სწორი გადაწყვეტილებების ნაკლებობა", — აღნიშნა ჩუგოშვილმა.

მისი თქმით, თუ სწორი გადაწყვეტილება არ იქნება, გამოხმაურება დარჩება იგივე, რომ საქართველოს მხრიდან საჭიროა სწორი ნაბიჯები, სწორი გადაწყვეტილებები.