"არ დანიშნო კლანი" — პარლამენტის წინ არასამთავრობო ორგანიზაციები და სამოქალქო აქტივისტები პლაკატებით საპროტესტო აქციას მართავენ. ამ ფორმით ისინი უზენაესის მოსამართლეთა კენჭისყრას აპროტესტებენ.

გზის ერთ მხარეს არასამთავრობო ორგანიზაციის წარმომადგენელები დგანან წარწერებით: "ვითხოვთ ღირსეულ სასამართლოს", "სასამართლო გადასარჩენია" და სხვა.

მეორე მხარეს კი #სირცხვილიას აქტივისტები დგანან წარწერებით: "არა ვადაგასულ კლანს", "ჩვენ ვიმსახურებთ სამართლიან სასამართლოს".

ფოტო: თამუნა გეგიძე / On.he

ფოტო: თამუნა გეგიძე / On.he

ფოტო: თამუნა გეგიძე / On.he

განახლება: 12 დეკემბრის მოვლენები მოკლედ

დღეს, 12 დეკემბერს სამოქალაქო მოძრაობის აქტივისტებმა და პოლიტიკური პარტიის წარმომადგენლებმა პარლამენტის შესასვლელების პიკეტირება სცადეს, თუმცა დეპუტატები საკანონმდებლო ორგანოში მაინც შევიდნენ. აქციაზე პოლიციამ ჯამში 16 პირი დააკავა.

პარლამენტის უპარტიო დეპუტატი, ეკა ბესელია ამბობდა, რომ მოსამართლეთა არასასესიო კვირაში არჩევა პარლამენტის რეგლამენტს ეწინააღმდეგებოდა. ის რამდენიმე წუთის განმავლობაში კომიტეტის თავმჯდომარეს არ აძლევდა საშუალებას კანდიდატურები განეხილათ.

პროცესის ჩასაშლელად კენჭისყრის დაწყებამდე რამდენიმე წუთით ადრე პლენარულ სხდომათა დარბაზში გაურკვეველი ნივთიერება გაუშვეს, რამდენიმე ადამიანი ცუდად გახდა. ამ მიზეზით სხდომათა დარბაზი დაატოვებინეს დეპუტატებს და კენჭისყრამ რამდენიმე საათით გადაიწია. საქმეზე გამოძიება შსს-მ სისხლის სამართლის კოდექსის 117-ე მუხლით დაიწყო. ამ მუხლით ჯანმრთელობის განზრახ მძიმე დაზიანება მინიმუმ 3-წლიანი პატიმრობით ისჯება. ქართულმა ოცნების ერთ-ერთმა დეპუტატმა მომხდარი ტერორისტულ აქტად, დანარჩენებმა კი ქიმიურ თავდასხმად შეაფასეს. მომხდარზე პასუხისმგებლობა #სირცხვილიამ აიღო.

საბოლოოდ, კენჭისყრა მაინც ჩატარდა და ქართულმა ოცნებამ 14 მოსამართლე უზენაეს სასამართლოში უვადოდ დანიშნა.