სხვა ოპოზიციური პარტიებისგან განცალკევებულად პატრიოტთა ალიანსმა აქცია-მსვლელობა დაიწყო. პარტიის მხარდამჭერები რესპუბლიკის მოედანზე 17 საათზე შეიკრიბენ და მთავრობას წითელი ბარათები უჩვენეს.

ფოტო: სალომე ჩიკვილაძე / On.ge

ახლა ისინი მსვლელობით რუსთველის გამზირზე, ოპერის შენობისკენ მიემართებიან. ოპერიდან სულ რამდენიმე მეტრში გაერთიანებული ოპოზიციის აქცია მიმდინარეობს.

მიუხედავად იმისა, რომ პატრიოტთა ალიანსსა და დანარჩენ ოპოზიციას პროტესტის მიზეზი საერთო აქვს, მათ აქციაზე მაინც ჩანს ნაციონალური მოძრაობის საწინააღმდეგო ბანერები.

ფოტო: სალომე ჩიკვილაძე / On.ge

ამ აქციას უერთდება ჰომოფობიური ულტრამემარჯვენე ჯგუფი ქართული მარშიც. როგორც სანდრო ბრეგაძე On.ge აცხადებს, პარლამენტთან მდგარ ბევრ პარტიას პატივს სცემს, მაგრამ ვერაფერს ცუდს ვერ ხედავს ცალკე გამართულ აქციაში.

მთელი ოპოზიციური სპქეტრი და სამოქალაქო საზოგადოება პროპორციული საარჩევნო სისტემის კანონპროექტის ჩაგდებას აპროტესტებს და ვადამდელ საპარლამენტო არჩევნებს მოითხოვს.

პარლამენტში შენობაში უკვე განლაგებულია გაძლიერებული საპოლიციო ძალები. საკანონმდებლო ორგანოში სპეცრაზმმა იარაღიც შეიტანა. საპატრულო პოლიციის უფროსი, ვაჟა სირაძე ამბობს, რომ პარლამენტში ცეცხლსასროლი იარაღი არ არის.