სპეცოპერაციის შედეგად მოკლული თემირლან მაჩალიკაშვილის მამა, მალხაზ მაჩალიკაშვილი ამბობს, რომ ხალხს ზამთარში აქციების გამართვის არ უნდა ეშინოდეს. ის მოუწოდებს ყველას, ვისაც სამთავრობო გუნდის გადაწყვეტილებები არ მოსწონს, იაქტიურონ.

"კვირა იქნება თუ თვე, კაციშვილს არაფერი მოუვა. მესამე ზამთარია აქ ვდგავარ და ყველა მხედავს, ცოცხალი ვარ. ამათ ჯინაზე ჯანზე ვარ.

მე აქ სამი მთავრობა გამოვიცვალე. ამ ორი წლის განმავლობაში მთელ ამ პროცესებსა და აქციაში ჩავიხარშე", — განაცხადა მან On.ge-სთან საუბრისას.

ორდღიანი გამაფრთხილებელი აქციების შემდეგ საქართველოს პარლამენტთან ფართომასშტაბიანი პროტესტი დაიწყო, როცა პარლამენტმა პროპორციული საარჩევნო სისტემის კანონპროექტი ჩააგდო. ბიძინა ივანიშვილის დაპირება არ შესრულდა და საზოგადოებამ პასუხები მოითხოვა.

ქართული ოცნების წინააღმდეგ მთელი პოლიტიკური სპექტრი გაერთიანდა. ისინი ვადამდელ საპრეზიდენტო არჩევნებს ითხოვენ, რომელიც პროპორციული წესით და გარდამავალი მთავრობის პირობებში უნდა ჩატარდე.

ქართულ ოცნებას უპირისპირდება პატრიოტთა ალიანსიც, თუმცა საერთო პროტესტისგან გამიჯნულად.