პარლამენტთან შეკრებილმა აქციის მონაწილეებმა სამი შესასვლელი ჩაკეტეს. მათი თქმით, ისინი არ აპირებენ დეპუტატები შენობიდან გამოუშვან. ადგილზე შეკრებილები არიან მოძრაობა ქვეყნის სამსახურში-ს წევრები, ლეიბორისტული პარტიის ახალგაზრდა ფრთის წევრები და მოძრაობა შეცვალეს წარმომადგენლები.

აქტივისტები ყველას მოუწოდებენ, რომ პარლამენტთან მივიდნენ. მათი თქმით, ხელისუფლებამ პროპორციუსაარჩევნო სისტემის კანონპროექტის ჩაგდების შემდეგ ხალხს წაართვა მათი მონაპოვარი. აქტივისტები საღამოს 7 საათზე მასშტაბურ აქციას გეგმავენ, მათი თქმით, პროტესტი გაგრძელდება მანამ, სანამ ხელისუფლება პირობას არ შეასრულებს.

საკონსტიტუციო ცვლილებისთვის, რომელსაც მოქალაქეები რამდენიმეათასიან აქციაზე ითხოვდნენ, კენჭი საბოლოოდ დღე, 14 ნოემბერს უყარეს. დეპუტატებმა ეს კანონპროექტი ჩააგდეს. საპარლამენტო უმრავლესობის წევრები ვერ შეთანხმდნენ, რომ მხარი დაუჭირონ ცვლილებას, რომლის მიხედვითაც საქართველოში 2020 წლის არჩევნებიც მხოლოდ პროპორციული წესით ჩატარდება. ამ გადაწყვეტილების შემდეგ 7-მა დეპუტატმა ქართული ოცნება და საპარალამენტო უმრავლესობა დატოვა. პარლამენტთან ოპოზიციური პარტიები სამ საათზე გაერთიანებულ ბრიფინგს გამართავენ. ადგილზე მობილიზებულია პოლიცია.

პარლამენტთან მეორე დღეა ისმის #სირცხვილია, რაც ზაფხულის საპროტესტო აქციების მთავარი მესიჯი იყო. პარლამენტში პროპორციული საარჩევნო სისტემის კანონპროექტის განხილვის ორჯერ გადაიდო.