საქართველოს თავდაცვის მინისტრი, ირაკლი ღარიბაშვილი აცხადებს, რომ ქართველი სამხედროების საბრძოლო მომზადების დონე ნატოს სტანდარტების შესაბამისია. ამის შესახებ ირაკლი ღარიბაშვილმა გადაცემაში SWOT ანალიზი სტუმრობისას განაცხადა.

"ჩვენი სამხედროები იმდენად ღირსეულად, ვაჟკაცურად და გაბედულად იქცევიან, ნატოს წევრი ქვეყნების ლიდერები, ყველა გენერალი, ამერიკელი იქნება ის, გერმანელი თუ სხვა, ერთხმად აღიარებენ ჩვენი სამხედროების გასაოცარ თავდადებას, გამბედაობას და სიმამაცეს", — ამბობს ღარიბაშვილი.

ირაკლი ღარიბაშვილის თქმით, საქართველოს ეროვნული თავდაცვის აკადემიაში სწავლება აშშ-ის სამხედრო აკადემიის, West Point-ის ანალოგიური იქნება.