თბილისი პრაიდის გუნდის განცხადებით, გულწრფელად წუხან იმის გამო, რომ ბიზნესმენმა ლევან ვასაძემ ვერ შეძლო ფილმზე დასასწრები ბილეთის ყიდვა, ამიტომ თავის ბილეთს უგზავნის საჩუქრად. მათი თქმით, ითვალისწინებენ იმ მსხვერპლს, რაც ვასაძემ გაიღო, როცა დედების სიწმინდის ღონისძიებაში მონაწილეობაზე თქვა უარი ამ ფილმის გამო.

"ლევან, ჩვენ არ დაგტოვებთ მარტო!" — აცხადებენ ისინი.

ბიზნესმენი ლევან ვასაძე, რომელიც ჰომოფობიური მიზეზებით ფილმის ჩვენების წინააღდეგია, აცხადებდა, რომ ბილეთის ყიდვა სურდა, თუმცა შეძენა ვერ მოასწრო. ის მიიჩნევს, რომ ამ ფილმის მიზანი ქართთვიველებისთვის "ნამუსის ახდაა" და მისი ჩაშლით იმუქრება.

ვასაძის თქმით, იცის, რომ ისევ "ერთი ადგილის მცველ რაინდს" დაუძახებენ, მაგრამ შეურაცხყოფას უღირს იმად, რომ "ჩვენება არ დაუშვას". მას გეგმაც კი აქვს შემუშავებული და ფიქრობს, რომ შეძლებს მხარდამჭერებთან ერთად პოლიციის კორდონის გაწევას, საოპერატოროში შესვლას და ფილმის გათიშვას.

ფილმის ჩაშლით იმუქრება ქართული მარში, გურამ ფალავანდიშვილი და სხვა ჰომოფობიური ჯგუფებიც. შინაგან საქმეთა სამინისტრო კი აცხადებს, რომ დაიცავს მოქალაქეთა გამოხატვის თავისუფლებასა და უსაფრთხოებას, კანონდარღვევის შემთხვევაში კი იმოქმედებს შესაბამისად.