მარნეულში ჩატარებულ სპეცოპერაციას, რომლის შედეგადაც არჩევნების დღეს მომხდარ ინციდენტში ბრალდებული 6 პირი დააკავეს, სამოქალაქო სექტორი ეხმაურება. როგორც ISFED-ის წარმომადგენელი, განმარტავს, მიხეილ ბენიძე ეჭვქვეშ აყენებს აუცილებლობას, რომელმაც ამ პირების სპეცოპერაციის შედეგად დაკავება განაპირობა:

"ის, რომ მათ სათანადოდ აგონ პასუხი კანონის წინაშე მნიშვნელოვანია, მაგრამ კამერების წინაშე დაკავებები, ვიცით, რომ ამ ქვეყანაში არაერთხელ შეფასებულა როგორც ნეგატიური მოვლენა. მნიშვნელოვანია, რომ შსს-მ განმარტოს, რა აუცილებელი იყო სწორედ ამ ფორმით დაკავება".

13 ოქტომბერს მარნეულში რამდენიმე პირის სახლში სპეცოპერაციის ჩატარების შედეგად, სამართალდამცავებმა 8 ოქტომბერს ინციდენტში მონაწილე 6 პირი, ენმ-ს აქტივისტები დააკავეს. აღნიშნულთან დაკავშირებით საპროტესტო აქცია გამართეს ენმ-ს მხარდამჭერებმა.