ჭყონდიდის დროებითი მიტროპოლიტი და პეტრე ცაავას შემცვლელი მეუფე გრიგოლი ეპარქიაში ჩავიდა. კითხვებზე, თუ რა გეგმები და მოლოდინები აქვს ის პასუხობს: "ჩავეხუტები მეუფეს და მადლობას გადავუხდი".

რაც შეეხება სასულიერო პირების პროტესტს, რომლებიც ამბობენ, რომ მას არ დაემორჩილებიან, გრიგოლი ამბობს, რომ ვისაც სურს შეუძლია მეუფე პეტრეს გაყვეს და ვისაც არა — შეუძლია დარჩეს. მისივე თქმით, ამ ეპარქიის მღვდელმთავრობა არ სურდა, რადგან სოხუმის ეპარქიისთვის ემზადებოდა.

გუშინ, 31 ოქტომბერს სინოდის სხდომა გაიმართა, რომელიც მეუფე პეტრეს მღვდელმთავრობიდან გადაყენებით და მეუფე იაკობისთვის ტიტულის შენარჩუნებით დასრულდა. მეუფე პეტრეს დროებით შემცვლელად ეპისკოპოსი გრიგოლი დანიშნა.

სხდომის შემდეგ მეუფე პეტრემ განაცხადა, რომ ილია მეორემ ის ეკლესიაში მამათმავლობის ცოდვის მხილების გამო გადააყენა. მოგვიანებით კი მან აღნიშნა, რომ თავად პატრიარქია "პედერასტიისა და მამათმავლობის ცოდვით შეპყრობილი". მეუფემ განმარტა, რას ნიშნავს სიტყვა "პედარასტია" და პატრიარქი "ჭაბუკების გახრწნაში" დაადანაშაულა.

მასალაში გამოყენებული მეუფე პეტრეს შეფასება გამოხატულია ჰომოფობიური სიტყვებით, თუმცა მაღალი საჯარო ინტერესიდან გამომდინარე On.ge მის სიტყვებს უცვლელად გთავაზობთ.