"განსაკუთრებული მადლობა მინდა ვუთხრა იმ სპეცრაზმს, რომელმაც სამაგალითო ქცევა აჩვენა მარნეულში მაშინ, როდესაც უბანზე შეჭრას აპირებდა ზოგიერთი მოქალაქე და ურნის გატაცებას", - ეს განცხადება იუსტიციის მინისტრმა, თეა წულუკიანმა გააკეთა მადლობა გადაუხადა ცესკოს და შსს-ს.

წულუკიანმა განმარტა, რომ სწორედ ამ ქმედებით გახდა შესაძლებელი, რომ საარჩევნო ყუთი გადარჩენილიყო. იუსტიციის მინისტრმა ასევე აღნიშნა, რომ წელს არჩევნები ჩატარდა გარემოში, როგორშიც საქართველოში არცერთი არჩევნები არ ჩატარებულა და რეიტინგში პირველ სამ ადგილას მოფ პარტიას პარლამენტში შესვლა მიულოცა:

"ვისურვებდი, რომ მეორე ტურის ასეთ ან კიდევ უკეთეს პირობებში ჩატარებულიყოს. ჩვენ სახეზე გვქონდა რამდენიმე რაიონში აბსოლუტურად მიუღებელი ქცევა, სხვადასხვა პარტიების მხარდამჭერების მხრიდან. ერთეულმა შემთხვევებმაც ძალიან დააზიანა ის კარგი პროცესი, რაც მთლიანობაში ყველამ ერთად ჩავატარეთ".